Type | Te HangaVideoDescription | Whakamārama'E Rere rā te matangi' written by Wharetini Rangi
Kua roa te pōhēhē nā Te Whetu Werohia tēnei waiata i tito i runga i tana kaha ki te hari. Anei te kōrero mō tēnei waiata me tāna pānga kia Te Whetu.
He waiata tēnei nā Wharetini Rangi, he Padre mō Te Rua Tekau mā Waru ki Te Pakanga Tuarua o Te Ao.
Nāna anō tana waiata i ākona ki ngā hoia o Kamupene B, ā nā Te Whetu i kawe whānui ki ngā kapa haka katoa, ā ki ngā whare kanikani, whakangāhau o te wā. Ko ngā kōrero mō tēnei titonga e hānga ana ki te wā i noho a Wharetini hei akonga minita. Ko te ara matua o ngā waipuke o te wā, ko Tauranga ki Tāmaki, ko te waka kawe tangata ko SSTe Mātangi te ingoa (Kai te takiwā o 1924/1925). I noho a Wharetini ki waenga i te rahi o tana wahine, ki Ruatoki. I eke ā ia i taua waipuke mai Tauranga ki Tamaki, ki Te Kura Minita Mihinare. E rua noa ngā wāhnga o te waiata ko ‘E rere ra te matangi’ ko ‘Mauria taku aroha’.
Nō tana taenga ki Te Pakanga Tuarua o Te Ao i āpiti atu te wāhanga tuatoru a ‘Haere rā Maunganui. Ko te SSMaunganui te waka kawe tūroro mai ngā rohe pakanga o te ao ki te kainga nei ki Aotearoa. Nei rā te waka whakahoki mai ia Padre Wharetini Rangi, i pahūtia wana taringa e te tainamaiti. I hoa tata rāua a Wharetini rāua o Te Whetu i runga noa i tō rāua pakeke ake i te tini o ngā hoia, rāua tahi i tata i pakeke rānei i te Rima Te Kau tau. Ngā ika ā Whiro o Te Rua Tekau mā Waru.Date | Te Rā23 April 2020Collection | KohikohingaMoteatea and WaiataSource | TohutoroTe Whare Reo o Te RangihouhiriVideo Length | Te Roanga2:29mins
